وزیراعلیٰ پنجاب سردار عثمان بزدار کا کہنا ہے کہ دبئی ایکسپو کا مقصد دنیا کے سامنے پاکستان کا سافٹ امیج لانا ہے۔

تفصیلات کے مطابق وزیراعلیٰ پنجاب سردار عثمان بزدار کی زیر صدارت دبئی ایکسپو کے حوالے سے اجلاس ہوا ہے ، جس میں پنجاب حکومت نومبر میں دبئی ایکسپو میں صوبے کی ثقافتی اورتجارتی ”شوکیسنگ“ کریں  گی۔

عثمان بزدار کا کہنا تھا کہ پنجاب کی ثقافت ، تجارت، سیاحت  اور درخشاں  روایات کے پوشیدہ گوشے روشناس کرائے جائیں گے ، دبئی ایکسپو میں غیر ملکی سرمایہ کاروں کو تجارت اور سیاحت کے فروغ کے مواقع سے بھی روشناس کرایا جائے گا۔

انہوں نے یہ بھی بتایا کہ  دنیا کو پنجاب کے بزنس فرینڈلی ماحول سے روشناس کرایا جائے گا۔

واضح رہے کہ صوبائی وزیر صنعت میاں اسلم اقبال، پرنسپل سیکرٹری وزیراعلیٰ، سیکرٹری پلاننگ اینڈ ڈویلپمنٹ،  سیکرٹری انڈسٹری اور متعلقہ حکام نے اجلاس میں شرکت کی تھی۔