کابل میں اشرف غنی کے بھائی حشمت نے اپنے بھائی کو کرپٹ بھگوڑا قراردے دیا۔

تفصیلات کے مطابق افغانستان کے سابق صدر اشرف غنی کے بھائی حشمت غنی احمد زئی نے بھائی کی موجودگی کا مقام بتاتے ہوئے اپنے بیان میں کہا کہ میری معلومات کے مطابق اشرف غنی مشرق وسطیٰ میں ہے۔

سابق افغان صدر کے بھائی حشمت غنی کا کہنا ہےکہ حامدکرزئی اوراشرف غنی کےادوارمیں کرپشن عام تھی، امید ہے طالبان ایسے نہیں ہوں گے۔

حشمت غنی کا یہ بھی کہنا تھا کہ طالبان کے آنے سے اب تک کسی قسم کا جانی نقصان نہیں ہوا۔

سابق افغان صدرکےبھائی حشمت غنی کا  مزید کہنا ہےکہ امید ہے طالبان اچھے لوگ حکومت میں لائیں گےاور ملک کو بدامنی سے نجات دلوائیں گے۔