قومی کرکٹ ٹیم کے بیٹسمین فواد عالم کا کہنا ہے کہ ہمارا ہدف ویسٹ انڈیز کو جلد از جلد آؤٹ کرنا ہے۔

تفصیلات کے مطابق قومی کرکٹ ٹیم کے بیٹسمین فواد عالم نے اپنے بیان میں کہا ہے کہ ہمارا ہدف ویسٹ انڈیز کو جلد از جلد آؤٹ کرنا ہے، کل میزبان ٹیم کو کم سے کم رنز پر آؤٹ کردیا تو میچ جیتنے کی پوزیشن میں ہوں گے۔

ان کا کہنا ہے کہ آج کی سنچری اپنے والدین کے نام کرتا ہوں، ماں نے کہا تھا کہ اس میچ میں تم سنچری بناؤ گے، والد کی بھی خواہش تھی کہ ویسٹ انڈیز میں سنچری اسکور کروں۔

قومی کرکٹ ٹیم کے بیٹسمین فواد عالم نے مزید کہا ہے کہ پانچ مختلف ممالک میں سنچریاں بنانے پر اللہ کا شکر ادا کرتا ہوں، یہ سلیبیریش اسٹائل اظہر علی کے ساتھ طے کیا تھا، ہم دونوں نے سینچری بنانے پر یہ اسٹائل اپنانے کا فیصلہ کررکھا ہے۔