کراچی میں لاک ڈاؤن کے چوتھے روز بھی عوام کی بڑی تعداد ویکسینیشن سینٹرز پر موجود ہے۔

تفصیلات کے مطابق شہر قائد میں ویکسینیشن کا عمل تیزی سے جاری ہے، عوام کی بڑی تعداد ویکسینیشن سینٹرز پر موجود ہے، کورونا ویکسینیشن سینٹرز پر24 گھنٹے ویکسینیشن کا عمل جاری ہے۔

ذرائع نے بتایا ہے کہ ایکسپو سینٹر، جناح اسپتال ، خالق دینا ہال، چلڈرن اسپتال،قطر اسپتال ،لیاری جنرل اسپتال میں عوام کی لمبی قطاریں موجود ہے، سندھ حکومت نے شہر کراچی کے تمام اضلاع کو ڈرائیو تھرو ویکسینیشن سینٹر میں تبدیل کرنے کا فیصلہ کرلیا ہے۔

ذرائع نے مزید بتایا ہے کہ وزیراعلی سندھ نے تمام ڈپٹی کمشنرز کو ایسے گرائونڈ کو تلاش کرکے ڈرائیو تھرو ویکسینیشن سینٹر بنانے کی ہدایت کردی ہے۔

سندھ حکومت کے ذرائع نے بتایا ہے کہ ایسے  گرائونڈز جن میں لائٹس لگی ہوں وہاں ڈرائیور تھرو ویکسینیشن سینٹر بنائے جائیں گے۔