کم عمر کوہ پیما شہروز کاشف نے کہا ہے کہ متعلقہ اداروں کو چاہیے کہ لوگوں کی حاصلہ افزائی کریں۔

تفصیلات کے مطابق شہروز کاشف نے لاہور میں میڈیا سے گفتگو کرتے ہوئے کہا کہ اللہ کا شکر ہے کہ مجھے اس سفر میں کامیابی ملی، دنیا کی دو بلند ترین چوٹیاں دو ماہ میں سر کیں، میرے والدین اور قوم کی دعائیں میرے ساتھ تھیں۔

انہوں نے کہا کہ میں نے دنیا کی دو بلند ترین چوٹیاں سر کیں اور کچھ نہیں کرسکتا، ساجد سدپارہ میرا دوست ہے اور کیمپ فور پر ملاقات ہوئی میں واپسی پر تھا اور وہ لوگ جارہے تھے۔

شہروز کاشف نے کہا کہ ہر بندے کی پہاڑوں پر اپنی حکمت عملی ہوتی ہے، کے ٹو سر کرنا ماؤنٹ ایورسٹ سے مشکل ہے، کم عمر کی بات نہیں، حوصلہ اور جذبہ ہونا چاہیے۔

کم عمر کوہ پیما شہروز کاشف نے مزید کہا کہ اداروں کو چاہیے کہ لوگوں کی حوصلہ افزائی کریں، افسوس ہوتا ہے جب آپ اتنا بڑا کام کرو اور کوئی عہدیدار نہ آئے۔