قومی کرکٹر شاہین شاہ آفریدی کا کہنا ہے کہ ویسٹ انڈیز کو پہلی اننگز میں جلد آؤٹ کرنے میں ہر کھلاڑی نے بھرپور حصہ ڈالا ہے۔

تفصیلات کے مطابق اپنے جاری کردہ بیان میں شاہین شاہ آفریدی کا کہنا تھا کہ  کل میچ کا آخری مگر اہم دن ہے ، کوشش ہوگی ویسٹ انڈیز کو مکمل آؤٹ کرکے سیریز برابر کریں۔

ان کا کہنا تھا کہ میچ جیتنے کے لیے ہمیں اچھی اور نپی تلی باؤلنگ کرنی ہوگی ، میں ہمیشہ کہتا ہوں بیٹنگ کی طرح باولنگ میں بھی پارٹنرشپ کی ضرورت ہوتی ہے۔

شاہین آفریدی کا مزید کہنا تھا کہ پہلی اننگز میں محمد عباس، فہیم اشرف اور حسن علی نے عمدہ باولنگ کی تھی ، دوسرے اینڈ سے عمدہ باولنگ نے حریف ٹیم پر دباؤ ڈالے رکھا تھا۔

ان کا مزید کہنا تھا کہ کسی بھی میچ میں پانچ وکٹیں حاصل کرنا فخر کی بات ہوتی ہے، ٹیسٹ کرکٹ میں آج اپنی بہترین باولنگ اپنے اہلخانہ کے نام کرتا ہوں۔