ملک کے بیشتر شہروں میں آج مطلع جزوی ابرآلود رہنے کے علاوہ بارشوں کا بھی امکان ہے۔

محکمہ موسمیات کا کہنا ہے کہ آج اسلام آباد ، صوبہ پنجاب ، صوبہ خیبرپختونخواہ اور کشمیر سمیت گلگت بلتستان کے بیشتر اضلاع میں مطلع ابر آلود رہے گا تاہم صوبہ بلوچستان کے بیشتر اضلاع میں موسم گرم اور خشک ہی رہے گا ۔

دوسری جانب صوبہ سندھ کے بیشتر جنوبی اضلاع میں مطلع جزوی ابر آلود رہنے کے ساتھ کراچی ، ٹھٹھہ اوربدین میں ہلکی بارش اور بوندا باندی کا بھی امکان ہے۔

واضح رہے کہ آج ریکارڈ کیے گئے زیادہ سے زیادہ درجہ حرارت میں دادو، شہید بینظیر آباد 41 ، نوکنڈی، دالبندین ،سبی ، تربت اور بہاولنگر میں 40 ڈگری سینٹی گریڈ ریکارڈ کیا گیا ہے۔