اعلیٰ ثانوی تعلیمی بورڈ کراچی کے تحت انٹرمیڈیٹ کے امتحانات کا سلسلہ جاری ہے۔

تفصیلات کے مطابق آج کیمیا، شماریات، کلاتھنگ اور ٹیکسٹائل، اردو، عربی، فارسی، سندھی، انگریزی اور ریاضی مضامین کے پرچے لیے جائیں گے،کیمیا، شماریات، کلاتھنگ اور ٹیکسٹائل کا پرچہ صبح جبکہ اردو، عربی، فارسی، سندھی، انگریزی اور ریاضی مضامین کے پرچے دوپہر کی شفٹ میں لیے جائیں گے۔

   امتحانات کے لیے مجموعی طور پر 221 امتحانی مراکز بھی قائم کیے گئے ہیں۔

واضح رہے کہ  سندھ حکومت کی جانب سے نقل کی روک تھام کیلئے  امتحانی مراکز کے اطراف دفعہ 144 نافذ کر رکھی ہے۔