وزیراعلیٰ بلوچستان جام کمال خان نے کہا ہے کہ دہشت گرد عناصر صوبے کا امن تباہ کرنا چاہتے ہیں۔

تفصیلات کے مطابق اپنے ایک بیان میں وزیراعلیٰ بلوچستان جام کمال خان نےسرینا ہوٹل کے قریب ہونے والے بم دھماکے کی مذمت کی ہے جبکہ وزیراعلیٰ بلوچستان نے دھماکہ میں دو پولیس اہلکاروں کی شہادت پر افسوس کا اظہار کیا ہے۔

اس موقع پر وزیراعلیٰ بلوچستان جام کمال خان نے شہید پولیس اہلکاروں کے اہل خانہ سے ہمدردی اور اظہار تعزیت کیا جبکہ وزیراعلیٰ بلوچستان نے زخمیوں کی جلد صحتیابی کیلئے دعا بھی کی۔

وزیراعلیٰ بلوچستان نے زخمیوں کو علاج معالجے کی بہترین طبی سہولیات فراہم کرنے کی ہدایت دی۔

وزیراعلیٰ بلوچستان جام کمال خان نے کہا کہ دہشت گردی کی عفریت کے خاتمے کے لیے صوبے کی عوام اپنے فورسز کے ساتھ کھڑی ہے۔

وزیراعلیٰ بلوچستان جام کمال خان  نے مزید کہا کہ دہشت گرد عناصر صوبے کا امن تباہ کرنا چاہتے ہیں، دہشت گردوں کو ان کے مذموم مقاصد میں کبھی کامیاب نہیں ہونے دیں گے۔