اعلیٰ ثانوی تعلیمی بورڈ کراچی کے تحت انٹر میڈیٹ  کے ملتوی شدہ پرچوں کا آغاز آج سے ہوگیا ہے۔

تفصیلات کے مطابق آج بارہویں جماعت سائنس گروپ پری میڈیکل کا نباتیات اور سائنس جنرل گروپ کا معاشیات کا پرچہ صبح ساڑھے نو بجے لیا جائے گا جبکہ پرچے کا دورانیہ ڈیڑھ گھنٹے کا ہوگا ۔

چئیرمین اعلی ثانوی تعلیمی بورڈ کراچی پروفیسر سعید الدین کا کہنا ہے کہ رواں سال صرف اختیاری مضامین کے پرچے لیے جارہے ہیں، طالبعلموں کے پرچے سابقہ شیڈول کے مطابق انہی امتحانی مراکز پر لیے جائنگے۔

ان کا مزید کہنا تھا کہ امتحانات کے دوران ایس او پیز پر بھی عمل کیا  جائے گا۔

واضح رہے کہ 31  جولائی سے لاک ڈاوُن کے باعث انٹرمیڈیٹ کے پرچے ملتوی ہوئے تھے۔