ایک دن میں سب سے زیادہ ویکسینیشن لگانے کا اعزاز لاہور نے اپنے نام کرلیا

صوبائی دارالحکومت لاہور نے ایک دن میں سب سے زیادہ ویکسینیشن لگانے کا اعزاز اپنے نام کرلیا ہے۔

تفصیلات کے مطابق ایک دن میں 51236 افراد نے ویکسینیشن کرا کے یہ اعزاز اپنے نام کرلیا ہے۔

کمشنر لاہور کیپٹن محمد عثمان کا کہنا ہے کہ 23 اگست 2021 کے دن میں ویکسینیشن فسیلیٹیز نے اب تک کا سب سے زیادہ ویکسین لگانے کا ریکارڈ قائم کر دیا ہے۔

ان کا کہنا تھا کہ اسی جذبے سے آگے بڑھتے ہوئے کورونا کو شکست دینی ہے ۔

واضح رہے کہ اب تک لاہور میں مجموعی طور پر 30 لاکھ 65ہزار 231 شہریوں کی ویکسینیشن ہو چکی ہے۔