مقامی لوگوں کی جانب سے دریائے سندھ سے بھٹک کر نہر میں جانے والی انڈس بلائنڈ ڈولفن کو  ہلاک کردیا گیا  ہے۔

تفصیلات کے مطابق واقعہ پنو عاقل کے قریب پیش آیا ، ڈولفن کو پکڑتے وقت علاقے کے لوگ بڑی تعداد میں لوگ جمع ہو گئے تھے جس کے بعد لوگوں نے نایاب نسل کی ڈولفن کی بےرحمی سے جان لے لی تھی۔

ذرائع کا کہنا ہے کہ ڈولفن کو نکالے جانے کی اطلاع محکمہ وائلڈ کو ملی تھی لیکن انہوں نے کوئی اقدام نہیں کیا جس کے بعد صرف  خانہ پُری کے لیے وائلڈ لائف کی ٹیم بھیجی گئی تھیں۔

واضح رہے کہ اس قبل بھی نہروں میں پھنس کر متعدد ڈولفنز ہلاک ہوچکی ہیں جس پر محکمہ وائلڈ لائف ان تک نایاب ڈولفنز کی حفاظت کے لیے کوئی اقدام نہیں کرسکا ہے۔