پاکستان کرکٹ بورڈ (پی سی بی) کے گورننگ بورڈ میں پیٹرن کے دو نمائندوں کی تقرری کا نوٹیفکیشن جاری کردیا گیا ہے۔

 تفصیلات کے مطابق  وزارت بین الصوبائی رابطہ نے اسد علی خان اور رمیز راجہ کی بطور ممبران بورڈ آف گورنرز نامزدگی کا نوٹیفکیشن جاری کردیا ہے۔

ذرائع کے مطابق سابق کپتان رمیز راجہ اور اسد علی خان گورننگ بورڈ میں پیٹرن کے نمائندے نامزد ہوئے ہیں، اسدعلی خان کو بطور ممبر گورننگ بورڈ توسیع دی گئی ہے اور رمیز راجہ کانام احسان مانی کی جگہ گورننگ بورڈ میں شامل کیا گیا ہے۔

اس کے علاوہ ممبران کی تقرری کے بعد نئے چیئرمین پی سی بی کے انتخاب کا عمل شروع ہو گا، وائس چیئرمین کی تقرری کے لیے گورننگ بورڈ کا اجلاس طلب کیا جاسکتا ہے۔

واضح رہے کہ پاکستان کرکٹ بورڈ (پی سی بی) الیکشن کمیشن انتخابی عمل کے طریقہ کار کا اعلان کریں گے۔