وزیراعظم عمران خان سے چینی سفیر نونگ رونگ نے ملاقات کی ہے۔

تفصیلات کے مطابق ملاقات میں پاک چین دو طرفہ تعلقات، سی پیک، ویکسین اور مختلف شعبوں کے تعاون پر گفتگو کی گئی۔

چینی سفیر نے چینی صدر اور وزیراعظم کی جانب سے وزیراعظم عمران خان کے لیے نیک خواہشات کا اظہار کیا اور وزیراعظم عمران خان کو یوم آزادی کی مبارکباد بھی دی۔

وزیراعظم نے کہا کہ سی پیک منصوبہ تبدیلی ثابت ہوگا، دونوں ممالک روڈ اینڈ انیشیٹو منصوبے کے تحت سی پیک ہائی کوالٹی بنانے کے لیے دونوں ممالک کام کریں گے، حکومت پاکستان سی پیک کی بروقت تکمیل چاہتی ہے۔

پاکستان اور چین کے درمیان تجارت، سرمایہ کاری سمیت دیگر امور پر بھی گفتگو ہوئی۔

وزیراعظم عمران خان نے مزید کہا کہ افغانستان تنازعے کا کوئی فوجی حل نہیں ہے، افغان تنازعے کے سیاسی حل کے لیے پاکستان اپنی حمایت جاری رکھے گا۔