وزیراعظم کے معاون خصوصی برائے سیاسی روابط ڈاکٹر شہباز گل نے کہا کہ مریم صاحبہ ملک سے فرار ہونا چاہتی ہیں تاکہ سزا نہ کاٹنی پڑے۔

تفصیلات کے مطابق وزیراعظم کے معاون خصوصی برائے سیاسی روابط ڈاکٹر شہباز گل نے سماجی رابطے کی ویب سائٹ ٹوئٹر پر اپنے ایک پیغام میں کہا کہ مریم صاحبہ اب بیٹے کی شادی کے بہانے ملک سے بھاگنے کی پلاننگ کر رہی ہیں، اس بار یہ بہانے نہیں چلیں گے۔

شہباز گل نے کہا کہ بہت ہوگیا جھوٹ، بیٹے کو پاکستان بلائیں اور یہاں شادی میں شرکت کریں۔

انہوں نے کہا کہ حکومت ہر طرح سے آپ کے بھاگنے کی اس سازش کو ناکام بنائے گی، اس لائن پر اب ان کمنگ کی سہولت ہے آؤٹ گوئنگ مکمل بند ہے۔

Advertisement

مریم صاحبہ ہر صورت ملک سے فرار چاہتی ہیں تا کہ سزا نہ کاٹنی پڑے۔ اور دوسری طرف بہو کا دل ہے کہ وہ پاکستان میں ہی رہیں۔ اب بھلا بتائیں اتنی لڑاکا ساس کا مقابلہ کونسی بہو کرے گی ؟ ہماری باجی مریم سے تو ساری ن لیگ پناہ مانگتی ہے بیچاری اکیلی بہو تو یہ معرکہ انجام نہ دے پائے گی۔ https://www.bolnews.com/urdu/latest/2021/08/452260/amp/

— Dr. Shahbaz GiLL (@SHABAZGIL) August 12, 2021

‏شہباز گل نے اپنے ٹوئٹر پیغام میں کہا کہ مریم صاحبہ ہر صورت ملک سے فرار ہونا چاہتی ہیں تاکہ سزا نہ کاٹنی پڑے، دوسری طرف بہو کا دل ہے کہ وہ پاکستان میں ہی رہیں، اب بھلا بتائیں اتنی لڑاکا ساس کا مقابلہ کونسی بہو کرے گی؟

وزیراعظم کے معاون خصوصی برائے سیاسی روابط ڈاکٹر شہباز گل نے مزید کہا کہ ہماری باجی مریم سے تو ساری ن لیگ پناہ مانگتی ہے بیچاری اکیلی بہو تو یہ معرکہ انجام نہ دے پائے گی۔