ڈاکٹریاسمین راشد کا کہنا ہے کہ پنجاب کی درسگاہوں میں بین الاقوامی معیارکی تعلیم دی جارہی ہے،۔

تفصیلات کے مطابق صوبائی وزیرصحت ڈاکٹریاسمین راشد نے فیصل آباد میڈیکل یونیورسٹی کے  اجلاس کی صدارت کرتے ہوئے کہا کہ فیصل آباد ڈویژن میں صحت کے تمام منصوبوں کو بروقت اورترجیحی بنیادوں پر مکمل کیا جارہا ہے، وزیراعظم عمران خان اور وزیراعلی پنجاب سردارعثمان بزدارکے ویژن کے مطابق پنجاب کی عوام کو صحت کے شعبے میں بہترسہولیات کیلئے کوشاں ہیں۔

انھوں نے اجلاس میں کہا کہ پنجاب کی تمام طبی درسگاہوں میں طلباء طالبات کو بہتر تعلیمی سہولیات فراہم کی جارہی ہیں اور پنجاب کی طبی درسگاہوں میں بین الاقوامی معیارکی تعلیم دی جارہی ہے۔

واضح رہے کہ اجلاس میں فیصل آباد میڈیکل یونیورسٹی کے وائس چانسلر پروفیسرڈاکٹرظفرعلی چوہدری،ایڈیشنل سیکرٹری محکمہ سپیشلائزڈ اینڈ میڈیکل ایجوکیشن ڈاکٹرآصف طفیل ودیگرسینڈیکیٹ ممبران نے شرکت کی تھی۔