اسدعمر کا کہنا ہے کہ اسلام آباد میں پانی کے بحران کےخاتمےکیلئےکام کیے جارہے ہیں۔

تفصیلات کے مطابق و فاقی وزیر برائے منصوبہ بندی اسد عمر  نے پریس کانفریس کرتے ہوئے کہا ہے کہ ماضی میں ایک نہیں دواسلام آباد بنائے ہوئےتھے،ہم پورےاسلام آبادمیں ایک نظام لارہے ہیں، ہاؤسنگ سوسائٹیز کا معاملہ سی ڈی اے کےدائرہ اختیار میں کرنےجارہے ہیں۔

ان کا کہنا ہے کہ ہم اسلام آبادمیں گورننس کا نظام بہترکرنےجارہے ہیں اور اسلام آباد میں پانی بحران کےخاتمےکیلئےکام کررہےہیں اس کے علاوہ اسلام آباد میں10 کروڑگیلن پانی یومیہ کیلئےکام کررہےہیں۔

انھوں نے کہا ہے کہ ہم اسلام آباد کی دیہی یونین کونسل پر2سالوں میں ایک ارب خرچ کرچکے ہیں، اسلام آباد میں 2لاکھ سے زائد پودے لگائےجائیں گے،10 بلین ٹری منصوبےسےماحولیاتی تبدیلی آئےگی،10 بلین ٹری جیسا کام کوئی عام سیاستدان نہیں کرسکتا۔

اسدعمر نے مزید کہا ہے کہ شجرکاری مہم میں تاجرتنظیموں سمیت دیگر افراد حصہ لیں گے، شجرکاری مہم سےآنےوالی نسل کوفائدہ کو ہوگا، اسلام آباد میں 4 اسپتالوں پرکام جاری ہے۔