وزیراعلیٰ پنجاب سردار عثمان بزدار نے کہا ہے کہ ہماری حکومت پسماندہ علاقوں کی تعمیر و ترقی کے لیے کام کررہی ہے۔

تفصیلات کے مطابق وزیراعلیٰ پنجاب سردار عثمان بزدار نے اپنے جاری کردہ بیان میں کہا ہے کہ فورٹ منرو میں  4 نئے منصوبوں کا سنگ بنیاد رکھ دیا گیا ہے، کوہ سلیمان ملک کا پسماندہ ترین علاقہ ہے، فورٹ منرو میں پانی کا بہت بڑا مسئلہ ہے جسے حل کرنا ہے، ہم فورٹ منرو کو اربن ایریا بنانے پر غور کررہے ہیں۔

ان کا کہنا ہے کہ ہم فورٹ منرو میں ریسکیو سینٹر بنانے جارہے ہیں، ہماری حکومت پسماندہ علاقوں کی تعمیر و ترقی کے لیے کام کررہی ہے،ہماری حکومت نے پہلی بارجنوبی پنجاب کی ترقی کے لیے ریکارڈ بجٹ دیا ہے۔

انھوں نے مزید کہا ہے کہ فورٹ منرو میں اسٹیل برجز اپنے نوعیت کے لحاظ سے ایشیا کا منفرد پراجیکٹ ہے جس سے کوہ سلیمان رینج میں چھوٹے بڑے ڈیم تعمیر ہوں گے۔