متحدہ عرب امارات نے بچوں کو کورونا سے محفوظ رکھنے کے لیے ویکسینیشن سے متعلق بڑا ‏اعلان کر دیا۔

تفصیلات کے مطابق وزارت صحت کے اعلان کے بعد اب متحدہ عرب امارات میں بچوں کو بھی ‏ویکسین لگائی جائے گی۔

بچوں کو ویکسین لگانے کی منظوری دے دی گئی ہے، 3 سال سے 17 سال تک کے بچوں کو ‏چین کی سائینوفارم ویکسین لگائی جائے گی۔

سائینوفارم ویکسین لگانے کا فیصلہ ایک مطالعاتی دورے کے بعد کیا گیا جس میں 900 بچوں نے ‏رضاکارانہ طور پر حصہ لیا اور ان کے والدین کی رضامندی بھی شامل تھی۔

اماراتی حکومت کا کہنا ہے کہ اب تک قریباً 80 فیصد آبادی کو ویکسین کی ایک ڈوز لگائی جا ‏چکی ہے جب کہ 70 فیصد سے زائد افراد مکمل طور پر ویکسینیٹڈ ہیں۔