وزیر اعظم کے معاون خصوصی برائے سیاسی ابلاغ  ڈاکٹر شہباز گل نے کہا کہ علاج بیماری کا کروایا جاتا ہے ڈھونگ اور ڈرامے بازی کا کوئی علاج نہیں۔

تفصیلات کے مطابق وزیر اعظم کے معاون خصوصی برائے سیاسی ابلاغ  ڈاکٹر شہباز گل نے شاہد خاقان عباسی کے بیان پر ردعمل دیتے ہوئے کہا کہ میاں صاحب علاج کے بہانے قانون کو چکمہ دے کر لندن مفرور ہیں، لندن جا کر سیر سپاٹے اور پیزے کھانے کو علاج نہیں کہتے۔

انہوں نے کہا کہ جس ملک میں حرام مال سے جائیدادیں بنائیں اس ملک نے نکال باہر کرنے کا عندیہ دے دیا، ایک بار پھر درباریوں کو بیماری کا منجن بیچنے کا کام سونپا گیا ہے۔

وزیر اعظم کے معاون خصوصی برائے سیاسی ابلاغ  ڈاکٹر شہباز گل نے مزید کہا کہ ایک بار پھر سے پلیٹ لیٹس اوپر نیچے ہونے کا وقت ہوا چاہتا ہے۔