کورونا وائرس کی چوتھی خطرناک لہر کے پیش نظر سی اے اے نے بیرون ملک سے پاکستان آنے والے مسافروں کے لیے شرائط مزید سخت کردی ہیں۔

تفصیلات کے مطابق سی اے اے نے بیرون ملک سے پاکستان آنے والے مسافروں کے لیے نئی ٹریول ایڈوائزری جاری کردی ہے۔

جس میں بتایا گیا ہے کہ 9 اگست سے بیرون ملک سے پاکستان آنے والے 6 سال کے بچوں کی  بھی کورونا  ٹیسٹ رپورٹ لازمی ساتھ لانی ہوگی جبکہ پاکستان کے ائیرپورٹس پر بھی 6 سال کے مسافروں کے ریپڈ انٹیجن ٹیسٹ ہونگے۔

سی اے اے  کے مطابق کورونا وائرس مثبت آنے پر 12 سال کی عمر کے مسافروں کو محکمہ صحت کے قرنطینہ سینٹر میں قرنطینہ کرنا ہو گا۔

واضح رہے کہ 9 اگست سے ئے احکامات پر عملدرآمد شروع ہوگا جبکہ  کورونا کی تیزی سے بدلتی صورتحال کے پیش نظر پاکستان کے ایئرپورٹس پر مزید سخت فیصلے کیے جاسکتے ہیں۔