عبدالرزاق داؤد کا کہنا ہے کہ صنعتوں کی پیداوار میں 16 سال بعد بڑا اضافہ ہوا ہے۔

تفصیلات کے مطابق مشیر تجارت عبدالرزاق داؤد نے سماجی رابطے کی ویب سائٹ ٹوئٹر پر اپنے جاری کردہ پیغام میں لکھا ہے کہ صنعتوں کی پیداوار میں 16 سال بعد بڑا اضافہ ہوا ہے، مالی سال 2021-22 کے پہلے ماہ میں بڑی صنعتوں کی پیداوار میں 14.85 فیصد اضافہ ہوا ہے، حکومت کی انڈسٹری کے ساتھ تعاون کی وجہ سے پاکستان میں ڈی انڈسٹرلائزیشن کے بعد بہتری آئی ہے۔

انھوں نے مزید لکھا ہے کہ ٹیکسٹائل، خوراک، مشروبات، تمباکو، پیٹرولیم، ادویات، کیمیکل، معدنیات کی صنعتوں کی پیداوار میں اضافہ ہوا ہے اس کے علاوہ آٹو موبیلز، فرٹیلائزرز، لوہا اور اسٹیل مصنوعات کی صنعتوں کی پیداوار میں بھی اضافہ ہوا ہے۔

The growth was led by Textiles, Food, Beverages, Tobacco, Petroleum, Pharmaceutical, Chemical, Mineral, Automobile, Fertilisers and Iron & Steel products. @aliya_hamza #Pakistan #Exports #pakistanmovingforward

Advertisement

— Abdul Razak Dawood (@razak_dawood) August 16, 2021