قومی ہیرو ارشد ندیم نے کہا ہے کہ آگے جو گیمز آ رہے ہیں، میں ان میں مزید اچھا پرفارم کروں گا۔

تفصیلات کے مطابق ارشد ندیم اور طلحہ طالب کے اعزاز میں واپڈا ہاؤس میں تقریب منعقد کی گئی ہے ، اس موقع پر ارشد ندیم کا کہنا تھا کہ  پاکستانی قوم کی دعاؤں کے لیے شکرگزار ہوں ، اور میں چیئرمین واپڈا جنرل مزمل کا بھی شکریہ ادا کرتا ہوں۔

ارشد ندیم کا کہنا تھا کہ واپڈا وہ پلیٹ فارم ہے جو پورے پاکستان میں کھلاڑیوں کو موقع دیتا ہے ، واپڈا کی سہولیات مہیا کرنے سے میں یہاں تک پہنچا ہوں۔

ان کا کہنا تھا کہ زندگی میں آج تک اتنا بڑا انعام واپڈا کی جانب سے کسی کھلاڑی کو نہیں ملا ہے، یہ حوصلی افزائی کھلاڑی کو آگے بڑھنے کی ہمت دیتی ہے۔

واضح رہے کہ چیئرمین واپڈا کا ارشد ندیم اور طلحہ طالب کو واپڈا اسپورٹس بورڈ کی جانب سے 25 لاکھ روپے  دینے کا اعلان کیا گیا ہے۔