قاسم خان سوری کا کہنا ہے کہ پاکستان کا آئین اقلیتوں کو برابر حقوق دیتا ہے۔

تفصیلات کے مطابق قومی اسمبلی کے ڈپٹی اسپیکر قاسم خان سوری نے قومی اسمبلی کے اجلاس میں کہا ہے کہ ہمارے ساتھ ظلم و زیادتی ہو رہی ہے، ہمیں کوئی انصاف نہیں ملتا۔

انھوں نے کہا ہے کہ گنیش مندر کے بےحرمتی کی مذمت کرتا ہوں، اس واقعے کا وزیراعظم نے نوٹس لیکر آئی جی کو ہدایات دی ہیں، پولیس کی غفلت کے باعث یہ واقعہ پیش آیا ہے، واقعے کی ایف آئی آر کاٹ لی گئی ہے۔

انھوں نے کہا ہے کہ وزیراعظم نے ہدایات دیں ہیں کہ مندر کی فوری مرمت اور تعمیر کی جائے، گزشتہ تین دن سے یہ معاملہ چل رہا تھا لیکن پولیس نے کوئی اقدامات نہیں کیے، آئی جی پنجاب نے واقعے کے بعد کسی فرد کو گرفتار نہیں کیا۔

قاسم خان سوری نے مزید کہا ہے کہ وزارت داخلہ سے درخواست کروں گا کہ مندروں کی سیکیورٹی کا انتظام کیا جائے، یہ معاملہ داخلہ کمیٹی کو بھجوا دیں تاکہ آئندہ کیلئے لائحہ عمل بنایا جاسکے۔