زاہد حفیظ چوہدری کا کہنا ہے کہ کوئی بھی ملک ہم سے زیادہ افغانستان میں امن کے قیام کا حامی نہیں ہے۔

تفصیلات کے مطابق دفترخارجہ کے ترجمان زاہد حفیظ چوہدری نے ہفتہ وار بریفنگ دیتے ہوئے کہا ہے کہ عراق کے وزیر خارجہ ڈاکٹر فواد حسین نے پاکستان کا دورہ کیا ہے، انہوں نے دورہ وزیر خارجہ کی دعوت پر کیا ہے، ملاقاتوں میں باہمی تعلقات,  علاقائی مسائل,  افغانستان کی صورتحال اور باہمی دلچسپی کے معاملات پر تبادلہ خیال کیا گیا ہے، عراق کا دورہ کرنے والے پاکستانی زاہرین کے ویزا معاملات پر تبادلہ خیال کیا گیا ہے، پاکستان نے نجف اور کربلا میں قونصل خانے کھولنے کا فیصلہ کیا ہے۔

انھوں نے کہا ہے کہ 2001 سےاب تک ہم نے 80 ہزار سے زاید جانوں کا نقصان اٹھایا ہے، کویی بھی ملک ہم سے زیادہ افغانستان میں قیام امن کا حامی نہیں ہے، بھارت نے ہمیشہ افغانستان مین سپائلر کا کردار ادا کیا ہے۔