آل پاکستان پرائیوٹ اسکولز ایسوسی ایشنز کے صدر کاشف مرزا نے کہا ہے کہ سندھ بھر میں تعلیمی ادارے بند رکھنے کا فیصلہ تعلیم دشمنی ہے۔

تفصیلات کے مطابق  آل پاکستان پرائیوٹ اسکولز ایسوسی ایشنز کے صدر کاشف مرزا  نے اپنے بیان میں کہا ہے کہ ایس او پیز کے مطابق سندھ بھر میں پرائیویٹ سکولز آج سے کھل گئے ہیں، سندھ بھر میں تدریس کا سلسلہ جاری رہے گا۔

انھوں نے سوال پوچھتے ہوئے کہا ہے کہ ملک بھر کھلا ہے، سندھ کے طلبا کا کیا قصور ہے؟

ان کا کہنا ہے کہ ہم سندھ حکومت کی طرف سےطلبا کو سیاسی مقاصد کے لیے استعمال کرنے کی مذمت کرتے ہیں، طلبا کے آئینی تعلیمی حق کے لیے آخری حد تک جائیں گے، گرفتاریاں یاجیلیں ہمیں اولادوں کا آئینی تعلیمی حق لینے سے نہیں روک سکتی ہے۔

ل پاکستان پرائیوٹ اسکولز ایسوسی ایشنز کے صدر کاشف مرزا نے مزید کہا ہے کہ اسکول کو زبردستی بند کیا گیا تو آوٹ ڈور کلاسز ہونگی۔

ان کا کہنا ہے کہ سندھ بھر میں تعلیمی ادارے بند رکھنے کا فیصلہ تعلیم دشمنی ہے، سندھ کے 1کروڑ طلبا کا تعلیم آئینی حق ہے۔