اوورسیز پاکستانی الیکشن کمیشن کے باہر سراپا احتجاج ہیں۔

تفصیلات کے مطابق مظاہرین کی جانب سے  ووٹ کو عزت دو اور اوورسیز پاکستانیوں کو نمائندگی کا حق دو کے نعرے لگائے جارہے ہیں جبکہ مظاہرین نے ہاتھوں میں بینرز اور پلے کارڈز بھی اٹھا رکھے ہیں۔

مظاہرین کا کہنا ہے کہ سپریم کورٹ نے 2016 میں اوورسیز پاکستانیوں کو ووٹ کا حق دینے کا فیصلہ کیا تھا جبکہ 5 سال گزر جانے کی بعد بھی الیکشن کمیشن نے اوورسیز پاکستانیوں کو ووٹ کا حق نہیں دیا ہے۔

مظاہرین کہتے ہیں کہ الیکشن کمیشن 5 سال میں اوورسیز کو ووٹنگ کے حق کا میکنزم نہیں بنا سکا ہے۔

مظاہرین کا مطالبہ ہے کہ پارلیمنٹ اور صوبائی اسمبلیوں میں اوورسیز پاکستانیوں کیلئے نشستیں مختص کی جائیں۔

واضح رپے کہ احتجاج کے موقع پر پولیس کی بھاری نفری الیکشن کمیشن کے باہر تعینات ہے، پولیس نے الیکشن کمیشن کے داخلی اور خارجی راستوں کو خاردار تاریں لگا کر بند کردیا ہے۔