پنجاب کے منتخب اضلاع میں پولیو مہم کے مطلوبہ ٹارگٹ حاصل کرکے صوبے بھر پولیو مہم کا اختتام ہوچکا ہے۔

تفصیلات کے مطابق پانچ روزہ مہم میں ایک کروڑ سے زائد بچوں کو پولیو سے بچاؤ کے قطرے پلائے گئے ہیں ، لاہور میں سب سے زیادہ 18 لاکھ سے زائد بچوں کو قطرے پلائے گئے ہیں۔

پنجاب پولیو پروگرام کے سربراہ سندس ارشاد کا کہنا ہے کہ حکومت پولیو کے انسداد میں انتہائی سنجیدہ ہے ، والدین کا فرض ہے کہ انسداد پولیو مہم میں بھرپور تعاون کریں۔

ان کا مزید کہنا تھا کہ والدین کے تعاون سے ہی پاکستان کو پولیو سے پاک کیا جائے گا۔

واضح رہے کہ مہم کے دوران 6 لاکھ سے زائد مہمان بچوں کو بھی پولیو سے بچاؤ کے قطرے پلائے گئے ہیں۔