نور مقدم کیس میں پولیس نے نور مقدم کا چالان مکمل کر لیا، آئندہ دو سے تین دن میں چالان جمع کروا دیا جائے گا۔

تفصیلات کے مطابق اسلام آباد میں قتل ہونے والی خاتون نور مقدم کیس میں پیش رفت سامنے آئی ہے، وفاقی پولیس نے نور مقدم کیس کا چالان مکمل کرلیا ہے۔

ذرائع کے مطابق پولیس چالان میں ملزم ظاہر جعفر کو مجرم قرار دیا گیا ہے، چالان میں ملزم کے والدین اور تھراپی ورکس کے مالک اور ملازم بھی مجرم قرار دیئے گئے ہیں۔

ذرائع کا کہنا ہے کہ چالان میں تمام ملزمان کو سخت سزا دینے کی استدعا کی گئی ہے، وفاقی پولیس آئندہ ہفتے میں چالان پیش کرے گی۔