وزیراعظم کے معاون خصوصی برائے سیاسی روابط شہباز گل نے کہا کہ تقریباً 4 سال میں پہلی مرتبہ زیڈ ٹی بی ایل کا منافع 3 ارب روپے ہوا ہے۔

تفصیلات کے مطابق وزیراعظم کے معاون خصوصی برائے سیاسی روابط شہباز گل نے سماجی رابطے کی ویب سائٹ ٹوئٹر پر اپنے ایک پیغام میں کہا کہ 2017 کے بعد بینک کے مجموعی منافع میں 148 فیصد اضافہ ہوا ہے۔

انہوں نے کہا کہ گزشتہ سال 759 ملین کے نقصان سے 3 ارب کے منافع تک کا سفر یونہی جاری رہا تو انشا اللہ دسمبر تک بینک بریک ایون پوائنٹ تک پہنچ جائے گا۔

زرعی ترقیاتی بینک ان اداروں میں سے ایک ہے جنہیں PML-N نے تباہی کے دہانے تک پہنچایا۔

Advertisement

عمران خان نہ صرف نااہلوں کا معاشی گند صاف کر رہے ہیں بلکہ اصلاحات کے زریعے ملک کی سمت درست کر رہے ہیں

— Dr. Shahbaz GiLL (@SHABAZGIL) August 11, 2021

شہباز گل نے اپنے ٹوئٹر پیغام میں کہا کہ زرعی تحقیقاتی بینک ان اداروں میں سے ایک ہے جنہیں مسلم لیگ نے تباہی کے دہانے تک پہنچایا۔

معاون خصوصی برائے سیاسی روابط شہباز گل نے مزید کہا کہ عمران خان نہ صرف نااہلوں کا معاشی گند صاف کر رہے ہیں بلکہ اصلاحات کے ذریعے ملک کی سمت بھی درست کر رہے ہیں۔