کراچی کے ساحل پر پھنسے جہاز ہینگ ٹانگ 77  کو نکالنے کا ریسکیو آپریشن سست روی کا شکار ہوگیا ہے۔

تفصیلات کے مطابق سمندر میں اونچی لہروں  کی وجہ سے اب تک آپریشن ناکامی کا شکار ہے۔

کیپٹن عاصم اقبال کا کہنا ہے کہ جہاز کے ساتھ ریسکیو آپریشن میں مدد کے لیے آنے والی کرین بارج بھی آپریشن کی منتظر ہے ، کرین بارج کو ساحل پر پھنسے ایک ہفتہ ہوگیا ہے۔

انہوں نے بتایا ہے کہ  آج میٹنگ کے بعد کل کرین بارج کو نکالنے کا فیصلہ کیا جائیگا ، 18 اگست کو ممکنہ طور پر کرین بارج کا ریسکیو اپریشن شروع ہوسکتا ہے۔

واضح رہے کہ جہاز کو ساحل پر پھنسے 28 روز ہوچکے ہیں۔