فخر امام کا کہنا ہے کہ گندم اور کپاس پاکستان کی معیشت میں اہم فصلیں ہیں۔

تفصیلات کے مطابق وفاقی وزیر برائے فوڈ سیکیورٹی فخر امام نے کہا ہے کہ گندم اور کپاس پاکستان کی معیشت میں اہم فصلیں ہیں، ہر ادارے کی کوشش ہوتی ہے کے گندم اور کپاس کا بیج رحیم یارخان کے ضلع سے خریدیں، پاکستان کی ٹوٹل گندم کی کاشت 22 ملین ایکڑ ہے۔

ان کاکہنا ہے کہ 16 ملین ایکڑ کاشت پنجاب کی،4 ملین ایکڑ سندھ کی ہے،2 ملین ایکڑ خیبر پختونخوا اور بلوچستان میں ہوتی ہے، ہر ہفتے اپنے زراعت کے افسران اور صوبائی وزراء سے زراعت کے حوالے سے بات چیت کرتا رہتا ہوں۔

وفاقی وزیر برائے فوڈ سیکیورٹی نے مزید کہا ہے کہ  جب تک زرعی یونیورسٹی میں تعلیم کا معیار بہتر نہیں ہوگا تب تک ریسرچ میں بہتری نہیں آسکتی۔