پاکستان انٹرنیشنل ائیرلائنز (پی آئی اے) کی جانب سے کوئٹہ سے پشاور کے لیے 12 سال بعد  براہ راست پروازوں کا آغاز کردیا گیا ہے۔

تفصیلات کے مطابق پارلیمانی سیکرٹری اطلاعات بلوچستان بشری رند نے کوئٹہ انٹرنیشنل ائیر پورٹ پر ایک تقریب میں فیتہ کاٹ کر کوئٹہ سے پشاور پروازوں کا افتتاح کیا ہے۔

پارلیمانی سیکرٹری اطلاعات بلوچستان بشری رند کہتی ہیں کہ 12 سال کے بعد قومی ایرلائن کا کوئٹہ سے پشاور پروازوں کا دوبارہ آغاز وفاقی اور صوبائی حکومت کی کاوشوں کا نتیجہ ہے۔

ان کا کہنا تھا کہ کوئٹہ سے پشاور  پروازوں کے آغاز سے نہ صرف دونوں صوبوں کے درمیان عوام کو سفری سہولیات کی فراہمی بلکہ کاروباری اور سیاحت کو بھی فروغ ملے گا۔

افتتاحی تقریب میں جی ایم پی آئی اے بلوچستان بلال افضل ، پی ایس ایم لودھی محمد ، سی ایس او اے ایس اف منصف گل ، ٹرمینل مینجر سول ایوی ایشن سہیب احمد اور دیگر اعلئ حکام بھی موجود تھے۔

واضح رہے کہ ابتدا میں کوئٹہ سے پشاوراورپشاور سے کوئٹہ ہفتے میں 2 پروازیں جمعہ اور منگل کو ہونگی۔