پاکستان کے دارالحکومت اسلام آباد میں قتل ہونے والی 27 سال کی نور مقدم کے قتل کیس میں اہم پیش رفت سامنے آگئی ہے۔

تفصیلات کے مطابق پولیس کی جانب سے تھراپی ورکر امجد کا بیان ریکارڈ کر لیا گیا ہے ، امجد کا کہنا ہے کہ ملزم ظاہر جعفر کے والد نے اطلاع دی کہ ظاہر کی طبیعت ٹھیک نہیں ہے ، جس کے بعد میں اپنے چار ساتھیوں کے ہمراہ ظاہر کے گھر پہنچا تھا۔

انہوں نے مزید بتایا کہ ملزم ظاہر جعفرمجھ پر حملہ آور ہوا ،  پہلے پسٹل سے کوشش کی اور جب گولی نہ چلی تو ظاہر جعفر  نے چھری سے وار کیا۔

تھراپی ورکر کا کہنا تھا کہ چھری میرے پیٹ میں لگی جس میں زخمی ہوگیا تھا۔

واضح رہے کہ پولیس نے امجد کے بیان کے پیش نظر مقدمے میں ایک اور دفعہ شامل کر لی ہے۔