سی این جی کی قیمتوں میں ماہ اگست کیلئے پنجاب میں فی لیٹر 5 روپے اور سندھ میں 8 روپے فی کلو تک کا  اضافہ متوقع ہے۔

مرکزی رہنما سی این جی ایسوسی ایشن غیاث پراچہ کا کہنا ہے کہ پی ایس او کی جانب سے 20 ڈالر فی ایم ایم بی ٹی یو کے ریٹ پر ایل این جی کے ایک کارگو کی خریداری سے گیس مہنگی ہوگی۔

ان کا کہنا تھا کہ پی ایل ایل کی جانب سے مہنگے داموں اسپاٹ ایل این جی کارگو کی خریداری ہوئی ہے۔

غیاث پراچہ کا مزید کہنا تھا کہ انٹرنیشنل مارکیٹ میں ایل این جی کی قیمت اضافہ ہوا ہے جبکہ ڈالر کے مقابلے میں روپے کی قدر میں کمی  یہی وجوہات قیمت میں اضافے کا باعث بن رہی ہیں۔