پاکستان پیپلز پارٹی کے چیئرمین بلاول بھٹو زرداری کا کہنا ہے کہ عمران خان عوام کے سامنے بے نقاب ہو چکے ہیں۔

تفصیلات کے مطابق پاکستان پیپلز پارٹی کے چیئرمین بلاول بھٹو زرداری اور آصف زرداری سے راجہ پرویز اشرف کی ملاقات ہوئی جس میں رہنما پیپلز پارٹی فریال تالپور نے بھی شرکت کی۔

اس ملاقات میں ملک کی سیاسی صورتحال پر تبادلہ خیال کیا گیا۔

اس کے علاوہ پرویز اشرف نے پارٹی میں شمولیت کے خواہاں افراد سے متعلق آگاہ کیا۔

بلاول بھٹو زرداری نے کہا کہ پیپلز پارٹی کی ہوا چل پڑی، اگلا الیکشن جیالے جیتیں گے، مختلف پارٹیوں کے سیاسی رہنما ہمارے رابطے میں ہیں۔

پاکستان پیپلز پارٹی کے چیئرمین بلاول بھٹو زرداری نے مزید کہا کہ پیپلزپارٹی ملک کوبحرانوں سےنکالےگی، پیپلزپارٹی اپوزیشن کی مضبوط اور توانا آواز ہے، پیپلزپارٹی نےعوام دشمن پی ٹی آئی حکومت کو آئینہ دکھایا ہے۔