ائیرپورٹس سیکورٹی فورس (اے ایس ایف) کی جانب سے اسلام آباد ائیر پورٹ پر بڑی کارروائی کی گئی ہے۔

تفصیلات کے مطابق کارروائی کے نتیجے میں بیرون ملک ہیروئن اسمگلنگ کی بہت بڑی کوشش ناکام بنا دی گئی ہے۔

ترجمان اے ایس ایف کا کہنا ہے کہ بحرین جانے والے 4 مختلف مسافروں کے سامان سے 30 کروڑ روپے سے زائد مالیت کی 15 کلو گرام ہیروئن برآمد کر لی گئی ہے، جان محمد اور دیگر 3 مسافروں  نے بیرون ملک اسمگل کرنے کے لیے 15 کلو گرام ہیروئن اپنے سامان میں مہارت سے چھپا رکھی تھی۔

ان کا مزید کہنا تھا کہ اے ایس ایف عملے نے شک پڑنے پر تلاشی لی اور ملزمان کو فوری گرفتار کرلیا گیا ہے۔

واضح رہے کہ ملزمان کو ابتدائی تفتیش کے بعد برآمد شدہ ہیروئن سمیت مزید کارروائی کے لیے اے این ایف کے حوالے کر دیا گیا ہے۔