وزیراعلی پنجاب سردار عثمان بزدار نے معروف براڈ کاسٹر اور کالم نگار عظیم سرور کے  انتقال پر افسوس کا اظہار کیا ہے۔

تفصیلات کے مطابق وزیراعلی پنجاب عثمان بزدار نے سوگوار خاندان سے دلی ہمدردی اور اظہار تعزیت کرتے ہوئے کہا ہے کہ عظیم سرور مرحوم  براڈکاسٹنگ کے شعبے میں نمایاں مقام رکھتے تھے۔

 عثمان بزدار کا کہنا تھا کہ مرحوم نے براڈکاسٹنگ کو نئی جہت دی، عظیم سرورمرحوم کے  دین اسلام،  کھیلوں اور  جیدی کے مہمان جیسے پروگرام آج بھی سامعین کو یاد ہیں۔

ان کا مزید کہنا تھا کہ اللہ تعالی مرحوم کی روح کو جوار رحمت میں جگہ دے اور سوگوار خاندان کو صبر جمیل عطا فرمائے آمین۔