امریکی وزیر دفاع لائیڈ آسٹن اگلے ہفتے خلیجی ممالک کا دورہ کریں گے۔

تفصیلات کے مطابق امریکی وزیر دفاع لائیڈ آسٹن اگلے ہفتے سعودی عرب، قطر، بحرین اور کویت کا دورہ کریں گے۔

پینٹاگون نے جمعے کے روز کہا کہ افغانستان سے انخلاء پر امریکا کی مدد کرنے پر دورے کے دوران اپنے اتحادیوں کا شکریہ کریں گے، انہوں نے اس دورے کو شکریہ ٹور کا نام دیا ہے۔

پینٹاگون نے کہا ہے کہ امریکی وزیر دفاع لائیڈ آسٹن اتوار کو روانہ ہوں گے اور علاقائی شراکت داروں سے ملاقات کریں گے۔

پینٹاگون کا کہنا ہے کہ امریکی وزیر دفاع لائیڈ آسٹن علاقائی عہدیداروں سمیت امریکی سروس ممبران اور دیگر سرکاری عملے سے بھی ملاقات کریں گے۔