یونان ورلڈ بیچ ریسلنگ سیریز میں پاکستان کا ایک اور بڑا اعزاز انعام بٹ پہلوان نےبیچ ریسلنگ سیریز کا معرکہ اپنے نام کر لیا۔

تفصیلات کے مطابق انعام بٹ نے یونان میں ہونے والی ورلڈ بیچ ریسلنگ سیریز کے دوسرے مرحلے کے فائنل میں آذربائیجان کے پہلوان کو چاروں خانے چت کرکے گولڈ میڈل حاصل کرلیا  ہے۔ انعام بٹ کےگولڈ میڈل جیتنے کےبعدان کے گھر جشن کا سماں ہے اہلخانہ کی طرف سے مٹھائی تقسیم کی گئی جبکہ دوستوں کی جانب سے ڈھول کی تھاپ پر بھنگڑے  بھی ڈالے گئے۔

انعام بٹ کے بیچ ریسلنگ میں ایک ہفتے کے دوران دوسرا اور مجموعی طور پر پانچ بارگولڈ میڈل حاصل کرنے پر انعام بٹ کے اہلخانہ کا کہنا تھا کہ انعام بٹ کے پانچویں مرتبہ گولڈ میڈل جیتنے پر وہ اللہ کا شکر ادا کرتے ہیں۔

پاکستانی پہلوان انعام بٹ کے اہلخانہ کا کہنا تھا کہ اب صرف یہی انتظار ہے کہ وہ جلد واپس آئیں اور ان کا بھر پور استقبال کریں۔