گلگت بلتستان میں مزید 6 افراد میں کورونا وائرس کی تصدیق ہوگئی ہے۔

محکمہ صحت کا کہنا ہے کہ گلگت بلتستان میں کورونا وائرس سے متاثرہ مریضوں کی مجموعی تعداد 10204 ہوگئی ہے، کورونا کے ایکٹیو کیسز کی تعداد 9 سیاح مریضوں سمیت 231 ہے۔

محکمہ صحت کے مطابق گلگت میں کورونا سے آج 44 مریض صحتیاب ہوئے ہیں، کورونا وائرس کو 283 سیاحوں، محکمہ تعلیم 988 سمیت مجموعی طور پر 9791 مریض شکست دینے میں کامیاب ہوئے ہیں۔

محکمہ صحت کا کہنا ہے کہ گلگت بلتستان میں کورونا وائرس سے اب تک 182 مریض زندگی کی بازی ہار چکے ہیں، کورونا کیسز کی  شرح گلگت بلتستان میں 1.10 فیصد ہے۔

محکمہ صحت کے مطابق گلگت بلتستان میں کورونا وائرس سے صحتیابی کی شرح 95.95 جبکہ اموات کی شرح 1.78 فیصد ہے۔