وفاقی وزیر دفاع پرویز خٹک نے کہا  ہےکہ وزیراعظم عمران خان کی توجہ عوام کے مسائل کےحل پر ہے۔

تفصیلات کے مطابق وفاقی وزیر دفاع پرویز خٹک نے نوشہرہ میں کارکنوں سے خطاب کرتے ہوئے کہا کہ حکومت دیہات کی ترقی کے لیے خصوصی توجہ دے رہی ہے۔

اپنے بیان میں پرویز خٹک کا  کہنا تھا  کہ ملک اور قوم کی خاطر سخت فیصلے کرنے پڑے ہیں۔

وفاقی وزیر دفاع پرویز خٹک  کا مزید کہنا تھا کہ عمران خان کی توجہ غریب عوام کے مسائل کےحل پر ہے  جبکہ پاکستان حقیقی معنوں میں ترقی کی راہ پر گامزن ہے۔

واضح رہے اس سے قبل  وفاقی وزیر دفاع پرویز خٹک کی چینی ہم منصب سے تاجکستان میں ملاقات ہوئی  تھی جس میں دونوں وزرائے دفاع نے خطے کی جیو پولیٹیکل صورتحال پر تبادلہ خیال کیا گیا تھا ۔

اس موقع پر دونوں ممالک نے دہشتگردی سمیت تمام مشترکہ چیلنجز اور خطے میں استحکام کی فضا کے لئے مل کر کام کرنے پر اتفاق کیا تھا۔

وفاقی وزیر دفاع پرویز خٹک نے ملاقات میں چینی ہم منصب سے گفتگو کرتے ہوئے کہا  تھا کہ تاریخی اور آزمائی ہوئی پاک چین دوستی مظبوط سے مظبوط تر ہوتی جارہی ہے، چین سے دوستی پاکستان کی خارجہ پالیسی کا اہم جزو ہے۔