پاکستان اتھلیٹکس فیڈریشن کے صدر میجر جنرل ریٹائرڈ محمد اکرم ساہی کی جانب سے  ٹوکیو پیرالمپکس میں  حیدر علی کو گولڈ میڈل حاصل کرنے پر مبارکباد پیش کی گئی ہے۔

تفصیلات کے مطابق پاکستان اتھلیٹکس فیڈریشن کے صدر میجر جنرل ریٹائرڈ محمد اکرم ساہی اور سیکرٹری جنرل محمد ظفر نے ٹوکیو پیرالمپکس میں  حیدر علی کو گولڈ میڈل حاصل کرنے پر مبارکباد دی ہے۔

انہوں  نے امید ظاہر کی ہے کہ حیدر علی آئندہ بھی ایسے مقابلوں میں کامیابی حاصل کرکے ملک و قوم کا نام روشن کریں گے۔

واضح رہے کہ ٹوکیو پیرالمپکس میں ڈسکس تھرو 55.26 میٹر تھرو کر کے حیدر علی نے پاکستان کی تاریخ کا پہلا گولڈ میڈل حاصل کیا ہے۔