اپوزیشن لیڈر سندھ اسمبلی حلیم عادل شیخ کا کہنا ہے کہ یوم دفاع پوری قوم کے لیے فخر کا دن ہے۔

تفصیلات کے مطابق اپوزیشن لیڈر سندھ اسمبلی حلیم عادل شیخ نے یوم دفاع کے حوالے سے اپنے ویڈیو بیان میں کہا کہ پورے ملک کی طرح سندھ میں بھی افواج پاکستان بالخصوص شہداء کو خراج تحسین پیش کیا جائے گا۔

انہوں نے کہا کہ سندھ بھر میں یوم دفاع کے حوالے سے تقاریب کا انعقاد کیا جائے گا اور شہداء کی قبروں پر حاضری پھولوں کی چادر چڑھاکر شہداء کے اہل خانہ کو خراج تحسین پیش کیا جائے گا۔

حلیم عادل شیخ نے کہا کہ  یہ وہ شہداء ہیں جنہوں نے اس ملک کی حفاظت کے لیے اپنی جانوں کا نذرانہ پیش کیا، یہ لوگ جاگتے ہیں تو ہم آرام سے سوتے ہیں، آج پاکستان اس لیے مضبوط ہے کہ ہماری سرحدیں محفوظ ہیں۔

اپوزیشن لیڈر سندھ اسمبلی حلیم عادل شیخ نے مزید کہا کہ یوم دفاع کے موقع پر شہداء کی قبروں پر حاضری دی جائے، شہداء کے لواحقین کے گھروں پر جاکر انہیں خراج تحسین پیش کرنا چاہیے۔