وزیراعظم عمران خان نے پارٹی قیادت کا ہنگامی اجلاس آج طلب کرلیا ہے۔

تفصیلات کے مطابق اجلاس وزیراعظم ہاؤس میں کچھ دیر میں شروع ہوگا۔ اجلاس میں وفاقی وزراء، معاونیں اور پارٹی کی مرکزی قیادت کو بلا لیا گیا ہے۔

ذرائع کے مطابق اجلاس میں کنٹونمنٹ بورڈز کے شہری علاقوں میں مایوس کن نتائج کے اسباب پر بات ہوگی، وزیراعظم عمران خان اجلاس میں وزراء، پارٹی کے سیاسی قائدین اور متعلقہ ذمہ داران سے انفرادی رائے لیں گے۔

اس کے علاوہ لاہور، کراچی، پشاور اور ملتان کے کنٹونمنٹ بورڈ کے نتائج اور اس کے اسباب پر بھی کھل کر بحث ہوگی۔

واضح رہے کہ کنٹونمنٹ بورڈ کی انتخابی رپورٹ کے پیش نظر اجلاس میں اہم فیصلوں کا امکان ہے۔