ٹنڈوالہ  یار میں نصیر کنال پر قائم پاکستان کا تاریخی ریلوے پُل خستہ حالی کا شکار ہوگیا ہے۔

تفصیلات کے مطابق 1931 میں انگریزوں کے دور حکومت میں تعمیر کیا گیا ساٸفن ریلوے پُل سے نصیر کنال کا پانی بہنے لگا ہے، اس قدیمی ساٸفن پُل سے روزانہ 4 ٹرینوں کا گزر ہوتا ہے جو کسی بھی خطرے سے خالی نہیں ہے۔

ذرائع کا کہنا ہے کہ اس قدیم پُل کی خاصیت یہ ہے کہ ٹرین پانی کی سطح سے 6 فٹ نیچے سے گزرتی ہے ، ریلوے حکام اور انتظامیہ کی عدم توجہ کے باعث  پل پر کسی بھی وقت بڑا حادثہ رونما ہوسکتا ہے۔

واضح رہے کہ خستہ حال ریلوے پُل اگر گرا تو نا صرف انسانی جانوں کو نقصان ہوگا بلکے شہر کو بھی ڈبو کر رکھ دے گا۔