بلوچستان میں قیدیوں کی ہیپاٹائٹس ویکسینیشن مہم کامیابی سے مکمل ہوگئی ہے۔

تفصیلات کے مطابق کوئٹہ جیل، مستونگ اورگڈانی جیل کے قیدیوں کی ویکسنیشن مہم کامیابی سے مکمل ہوچکی ہے ، گڈانی جیل کے8  اور بلوچستان میں 8 غیر ملکی قیدیوں سمیت 398 قیدیوں کو ہیپاٹائٹس  کی ویکسین لگائی گئی ہے۔

آئی جی جیل خانہ جات کا کہنا ہے کہ  ہیپاٹائٹس فری بلوچستان پروگرام کے تحت جیل خانہ جات کے ملازمین و قیدیوں کو ہیپاٹائٹس کی ویکسین لگائی گئی ہے، بلوچستان کے تمام جیلوں میں ملازمین اور قیدیوں کو ویکسینیٹ کیا جائے گا۔

واضح رہے کہ مہم کے دوران 114 جیل اسٹاف کو بھی ویکسین لگائی گئی ہے۔