اسلام آباد میں چہلم کے جلوس کیلئے انتہائی سخت سیکورٹی پلان ترتیب دے دیا گیا ہے۔

تفصیلات کے مطابق اسلام آباد میں چہلم کے جلوس کیلئے فول پروف سیکورٹی انتظامات کیے گئے ہیں۔

اس ضمن میں ایس ایس پی آپریشنز نے بتایا ہے کہ اسلام آباد میں چہلم کے جلوس کیلئے پولیس کے 2000 سے زائد افسران و جوان سیکورٹی ڈیوٹی انجام دیں گئے اور رینجرز کے افسران و جوان بھی اسلام آباد پولیس کی معاونت کریں گے۔

ایس ایس پی آپریشنز نے بتایا ہے کہ چہلم کے جلوس میں مقرر کردہ راستوں اور  ملحقہ عمارتوں کی چھتوں پر تربیت تافتہ سنائپر تعینات ہوں گئے اس کے علاوہ جلوس کی مانیٹرنگ سیف سٹی سمارٹ کار ،ڈرون اور سی سی ٹی وی کیمروں کی مدد سے کی جائے گی۔

ایس ایس پی آپریشنز نے بتایا ہے کہ چہلم کے جلوس میں شرکت کرنیوالے عزادار کو واک تھرو گیٹ سے گزر کر شامل ہونے کی اجازت ہوگی اور مقرر کردہ راستوں کو بم ڈسپوزل  سکواڈ کا عملہ جدید ٹیکنالوجی کی مدد سے چیکنگ کے عمل کو یقینی بنائے گا۔

ایس ایس پی آپریشنز نے  مزید بتایا ہے کہ جلوس کے راستے میں ٹریفک کے داخلے پر پابندی عائد ہوگی، جلوس کے راستے میں آنے والے غیر ضروری راستوں اور گلیوں کو خاردار تاروں کے ذریعے بند کیا جائے گا۔