شہرقائد کی 48.32 فیصد آبادی کو کورونا ویکسین لگا دی گئی ہے۔

محکمہ صحت کے جاری کردہ نئے اعداد و شمار کے مطابق ویکسینیشن میں ضلع جنوبی سب سے آگے ، ضلع جنوبی میں 94.5 فیصد آبادی کو ویکسین لگا دی گئی ہے۔

جاری کردہ اعداد و شمار میں مزید بتایا گیا ہے کہ ضلع شرقی کی 83.21 فیصد آبادی کو ویکسین لگا دی گئی جبکہ ضلع کورنگی میں 45.6 فیصد اور ضلع ملیر میں 37.3 فیصد آبادی کو ویکسین لگائی گئی ہے۔

 اسکے علاوہ ضلع وسطی میں 32.81 فیصد اور ضلع غربی میں 21.87 فیصد آبادی کو ویکسین لگائی گئی ہے۔

واضح رہے کہ ملک بھر میں کورونا  سے جاں بحق ہونے والوں کی تعداد 26751  ہوگئی ہے جس میں سندھ کے 7159  ، پنجاب کے 12211 ، بلوچستان کے 342 اور خیبرپختونخوا کے 5250 افراد شامل ہیں۔

یاد رہے کہ این سی او سی نے عوام الناس میں ویکسین لگانے  کیلئے ایج گروپس میں 15 سے 18 سال کے شہریوں کو بھی شامل کر دیا گیا ہے  اور این سی او سی نے ہدایت دی ہے کہ 15 سے 18 سال کے شہریوں کو صرف فائزر ویکسین مفت لگائی جائے گی۔