قومی کرکٹرز کی  اپنے شہروں میں کوویڈ ٹیسٹنگ مکمل ہوگئی ہے۔

تفصیلات کے مطابق نیوزی لینڈ سیریز کیلئے پاکستان ون ڈے اسکواڈ میں شامل تمام کھلاڑیوں کی اتوار کو اپنے شہروں میں کوویڈ ٹیسٹنگ مکمل ہو گئی ہے۔

پی سی بی کا کہنا ہے کہ  اسکواڈ کے اراکین کو کوویڈ ٹیسٹنگ کے بعد تین روز محتاط رہنے کی ہدایت کی گئی ہے اسکے علاوہ اسکواڈ 8 ستمبر کو اسلام آباد میں اکٹھا ہو گا اور ہوٹل میں ان کی دوبارہ کوویڈ ٹیسٹنگ ہوگی۔

پی سی بی نے مزید بتایا ہے کہ ایک روز کے قرنطینہ کے بعد 10 ستمبر کو پنڈی اسٹیڈیم میں ٹریننگ کا آغاز کیا جائے گا۔

واضح رہے کہ نیوزی لینڈ ٹیم کی آمد 11 اور 12 ستمبر کی درمیانی شب ہوگی اور  پہلا ون ڈے 17 ستمبر کو ہوگا جبکہ نیوزی لینڈ سیریز میں تین ون ڈے اور پانچ ٹی 20 میچز کھیلے جائیں گے۔